主办国德国系今届最后一场比赛都打出漂亮一仗，虽然佢哋同葡萄牙系上半场真系有啲闷，我都瞌眼瞓几次，好彩我都坚持等埋下半场，谂唔到会有啖精彩的结局。

　　领队奇连士文其实系今次德国的最大功臣，佢坚持打进攻足球，虽然之前被人指责话佢呢套唔得，但事实上佢证明咗俾大家睇佢既改变系ok，而且佢亦系用新人，净系睇季军战，一班新人确实表现唔差，相信下届或者未来几年，德国会好强大。

　　好多谢大家仲记得我今日生日，本来其实唔系太特别，不过系今年嚟讲又真系几有意思，因为正系世界杯o既决赛日，有时真系好巧合，其实我同师妹梁雨恩都系同月同日生，所以今年既生日特别有意义，问我生日愿望?当然最重要系身体健康啦，我已经准备今晚睇住决赛，同意大利一齐庆祝，我梗系会着住自己DIY既意大利球衣啦，系咪好靓呢?听日再送多一张相俾你哋呀，今日就送张靓靓party look俾大家留念先啦！