季军战未开波前，如果话出几多正选球星系反映到每队既赢波决心，咁葡萄牙应该系想赢多啲个队，虽然好多人认为呢场争第三系可有可无。

　　葡萄牙正选差不多出齐，只欠费高，不过对面唔出波历克，咁又打番和，反而德国就比啲之前无出过场既踢吓，喺主场球迷打气下佢哋既表现亦无令奇连士文失望，简恩三番四次救出必入波，尤以下半场救迪高嗰球最靓，好似要同全世界讲：“我仲得，唔会差过列文”，一吐乌气！上场对意大利做后备既舒韦恩史迪加更梅开二度，成世仔最威威呢日，但入第一球佢都要多谢对方门将，个波劲就够劲但无乜角度，之前几场表现好好既列卡度竟然扑唔到，唔知系德国有运定系买咗葡萄牙下盘既人无运？

　　葡萄牙其实自16强赢荷兰后一直都无入过波，保列达更系第一场之后无入过，今场更做埋队长，但依然交白卷，一出纽奴高美斯即入，好心一早出啦，如果早一场出会唔会唔驶踢季军战？史高拉利真系咁唔like佢？

　　C朗…系好波…但好心插少啲…无论插花同插水都系！