意大利加油！虽然我的爱队巴西及英格兰都已经返左屋企，跟住落黎我会全力为意大利打气，其实我以前对呢队波真系唔多留意，但系自从佢地对德国个场波，意大利令我印象好深刻，特别系右闸森保达，有型得黎打波实而不华，大家要留意下佢喇。

　　我都知道决赛呢场仗，两队都好值得支持，法国的施丹赛会就会退休，边个唔想佢留下最难忘的片段，作为一个球迷，其实边个赢都冇所谓，最重要系两队出尽力打场好波，打到加时兼再十二码就更加精彩，但对球员黎讲就好残忍。

　　讲番意大利队，好多球迷都会讲托迪，我知佢有个劲名叫做“罗马王子”，佢个样都几靓仔有型，但其实细心观察意大利队的阵容，佢地个个都好有型，就算唔可以称得上系靓仔，但有的睇落都好有性格。当然森保达系靓仔兼踢波又劲个种，特别系对德国场波，助攻助守，如果佢今场入到波就更加高兴喇，但我都知佢主要打防守，要入波机会比较困难。总结黎讲，我会全力支持意大利，希望佢地可以攞到今届世界杯啦！