“正、正、正！”睇左今届世界杯咁多场波，终于可以睇到一场有代表性兼令人难忘的赛事，德国同意大利打足一百廿分钟，绝无冷场，就好似达文西密码咁唔可以走开一秒钟，否则可能会miss好多精彩片段。

　　两边的球员就好以人地打机一样，快上快落，仲要打到加时都系有气有力，全部都好似系机械人，进攻快到飞起，防守又密不透风，真系好睇到晕，睇天光都值得。原本我都系比较支持意大利，虽然话佢地呢场赢左，但都要赞一赞德国，佢地都发挥好好，相信佢地的球迷都唔会怪责佢地。我最想讲系两队的门将列文同保方，佢地两个都发挥得好好，只系最终意大利能够把握一个机会，就为呢场比赛定胜局，德国输波只好话未能尽快把握机会。

　　其实，呢场四强赛虽然话九十分钟0比0，但绝对唔闷，临尾加时仲打得更刺激，我唔知余下仲有三场波有几精彩，但总结呢场决赛可以话系今届世界杯的代表作，最后都要讲多次：“好正！”