饿左几日波，终于都等到四强赛开波喇，其实呢几日叉电之外，我都试下踢两脚波，当然系系屋企啦，因为早前出席左一个关于足球既活动，大会送左一个波俾我留念，加上早前同梦梦倾计，系佢身上都学到两三下功夫，见呢几日无比赛睇，不如试试扮球星，“的”下波，玩两下假动作，技术点就唔驶讲啦，自己都笑餐死。

　　讲番正经，巴西虽然出左局，但我都好关心佢地既消息，佢地离开德国俾大班巴西球迷喝倒采，仲话佢地系耻辱，我觉得又唔驶咁劳气，虽然话巴西今次系近几届首次入唔到四强，确实系失望又可惜，但四年后再黎过啦。其实大家有支持既球队，会令你睇波更加投入，但系作为一个欣赏足球既球迷，都系一个好好既享受，起码血压唔驶过高呀！