有时真系要信邪，主场的确系有着数，其实德国呢场八强真系打得麻麻，基本上系上半场都被阿根廷攞晒优势，点知转个头换边之后，下半场就即刻输一球，我还以为德国就此八强出局。

　　其实阿根廷输波，我觉得罪人系教练柏加文，点解搞到啖既局面，佢应该要负责任，中段就抽起打得好地地的列基美，仲要唔出佢哋的王牌美斯，睇见佢无得出场个样，真系可怜，讲到十二码呢个残忍的决定，边个赢边个输已经无得讲，可以话听天由命。

　　无论点都好，主办国德国赢咗，相信好多人都会开心，当然系佢哋o既国民，我睇电视话有几十万人上街庆祝，真系好玩。如果佢哋赢冠军，场面梗加厉害，但系以我的立场，当然最后系巴西捧杯啦。